Cymdeithas Gwenynwyr Meirionnydd

• Cartref
• Newyddion
• Digwyddiadau
  • Ebrill
  • Mawrth
  • Chwefror
• Ffotograffau
  • 2010
• Cynghorion Da
  • Cynghorion misol
    • Ebrill
    • Mawrth
  • Ynglŷn â candi
• Llyfrau
• Dyddiaduron
  • Aelodau
    • Mawrth
    • Chwefror
    • Ionawr
  • Dechreuwyr
    • Ebrill
    • Mawrth
• Gwybodaeth
• Cysylltwch â Ni

Dydd Gwener 22 Ionawr 2010

C,H. yn sgrifennu: "Gwisgais fy siwt wenynna am y tro cyntaf eleni! Am 2.30 pm roedd yn 10ºC yn y cysgod ond yn 19ºC wedi gosod y thermomedr yn yr haul. Roedd gwenyn yn hedfan o bob cwch, a dangosodd cipolwg o dan y coronfwrdd fod y gwenyn yn fywiog iawn (gweler "Tudalen Lluniau 2010") Roedd y clwstwr yn llechu yn is na top y fframiau magu, a'r math dwfn o fframiau sydd gen i. Gellir cael amcan o faint y clwstwr wrth graffu rhwng y fframiau. Roedd y fframiau'n "ddigon trwm" o fwyd. Mae llai o wenyn yn un, ond waeth heb nag ymhwilio i hynny gan ei bod hi'n rhy fuan yn y flwyddyn i allu gwneud dim am hynny; mae'n siwr y bydd popeth yn iawn."

J.T. yn sgrifennu: "Roedd ein gwenyn ninnau hefyd yn fywiog iawn o tua 11.00 am i 3.00pm (tymheredd yma 8ºC) Wedi sbio i mewn i'r cwch (yn frysiog iawn) - mae'n ymddangos fod digon o fwyd yn y fframiau. Calonogol iawn ar ol eira, rhew iasol a storm neu ddwy!"

Oeddech chi'n gwybod hyn ...

Bu gwenyn yn cynhyrchu mêl am o leiaf 150 miliwn o flynyddoedd.

Mae'r crwybr wedi ei wneud o gelloedd chwe ochrog a'u waliau yn ddim ond 2/1000 o fodfedd o drwch ond sy'n dal 25 gwaith eu pwysau.

Yn ystod ei bywyd, bydd gwenynen waith yn cynhyrchu 1/12fed rhan o lond llwy de o fêl.

I gynhyrchu pwys o fêl rhaid i weithwyr y cwch hefdan 55,000 o filltiroedd ac ymweld â dwy filiwn o flodau.

Gall brenhines ddodwy 3,000 o wyau mewn diwrnod.

Mewn theori, mae digon o ynni mewn owns o fel i alluogi gwenynen i hedfan o amgylch y byd.

Mêl ydy'r neithdar a chwydodd y wenynen i fyny dro ar ol tro a'i sychu.

Ni all gwenyn adnabod y lliw coch.