Cymdeithas Gwenynwyr Meirionnydd
Dydd Iau 04 Mawrth 2010
C.H. yn sgrifennu: Aethom i roi ¼ pwys o gandi ar bob un o'r cychod a darganfod dwy broblem. I ddechrau, roedd un cwch wedi marw allan -yn amlwg wedi gwanhau a dim ond ychydig o wenyn yn hedfan bellach. Golygfa drist oedd hon, a'r frenhines a farciwyd i'w gweld yn amlwg ymysg y cyrff. Rydw i wedi anfon sampl i'r Uned Wenyn Genedlaethol a bydd eu sylwadau yn ddiddorol.
Yn ail, roedd cwch arall wedi ei daro oddi ar ei stondin gan ddafad. Roedd ar ei ochr ers wythnos a'r fframiau deor yng ngafael y nosweithiau rhewllyd. Roedd y gwenyn, fodd bynnag, yn iawn a llawer o baill yn cael ei gario i mewn a'i roi yn y fframiau! Ar ol rhoi'r cwch yn ol ar ei stondin roedd popeth yn iawn.
Oeddech chi'n gwybod hyn ...
Bu gwenyn yn cynhyrchu mêl am o leiaf 150 miliwn o flynyddoedd.
Mae'r crwybr wedi ei wneud o gelloedd chwe ochrog a'u waliau yn ddim ond 2/1000 o fodfedd o drwch ond sy'n dal 25 gwaith eu pwysau.
Yn ystod ei bywyd, bydd gwenynen waith yn cynhyrchu 1/12fed rhan o lond llwy de o fêl.
I gynhyrchu pwys o fêl rhaid i weithwyr y cwch hefdan 55,000 o filltiroedd ac ymweld â dwy filiwn o flodau.
Gall brenhines ddodwy 3,000 o wyau mewn diwrnod.
Mewn theori, mae digon o ynni mewn owns o fel i alluogi gwenynen i hedfan o amgylch y byd.
Mêl ydy'r neithdar a chwydodd y wenynen i fyny dro ar ol tro a'i sychu.
Ni all gwenyn adnabod y lliw coch.